ZALEN Sept. 6, 2024; Saiphai khawtlangin transformer pek ngiata kawngpui dan an tum chu pek an nih tak avangin an thulh.

Saiphaiah hian thla khat chuang transformer chhiat avangin power supply an nei tawh lo a, theihtawpa hmalak a ni chung leh P&E lam atanga hmu mai tura sawi hmuh an nih laiin a hlawhtlinna an hmu hlei thei lo a ni.

Hemi avang hian vawiin (6.9.24) chawhnu dar 1 hmaa transformer-in an khua a thleng lo a nih chuan Serkhan - Bagha road (NH 306A) tiam chin awm lo a dan an tum a ni.

Saiphai atanga ZALEN thudawn danin, pek an ngiat transformer-in vawiin chawhma dar 11 vel khan an khua a thleng a, hei hi Vairengte atanga phurh thlen a ni.

An thil phut tihhlawhtlin a nih tak avangin kawngpui dan an tum chu an thulh lailawk ta rih niin Saiphai atanga thudawnna chuan a sawi.