July 25, 2023; Manipur Zofate thlavang hauhna lantir na’n Mizoram hmun hrang hrangah vawiin khan kawngzawh a ni a, Aizawl a kawngzawh ten Manipur Zofate pual a thawhlawm an thawh tlingkhawm chu Rs.10,18,000 a tling.

Manipur Zofate tawrhna tawrpuina lantirna atan hian in leh dawr tam takah puanzar dum zar a ni a, Aizawl khawpui-ah chuan Kulikawn leh Chanmari kawn atanga kawngzawh niin, Raj Bhavan hmar lam gate bulah an intawkkhawm a ni.

He hunah hian Chief Minister Zoramthanga bakah, minister, MLA leh mi pawimawh tak tak an tel a. Mipui pungkhawmte hian Manipur a Zofate tawrhna an tawrhpui thu te, sawrkar laipui inrawlh a buaina tireh tura phutnate, Manipur sorkar bang tura nawrnate, hmeichhiate chunga hleilenna an demna thu ziahte kengin an aurual bawk a ni.