ZALEN June 26, 2024; Mission Veng Local Council in an huam chhungah khauh takin Ui khuahkhirh an tum a, Ui vulh zawng zawngte pawh kohkhawm an tum.

ZALEN thudawn danin, Mission Veng huam chhungah hian tha taka Ui khuahkhirh an awm laiin, mi tlem a zawng Ui thlah zalen thin an awm a, chung mite vang chuan sawisel pawh an kai phah thin.

Hetiang a nih avang hian dan bawhchhe si lo a Ui khuahkhirhna khauh taka kalpui an tum a (Ui kutthlak emaw lam zawng a hmalak erawh an tum lo.) Ui neitute lakah dan angin hmalak an tum a ni.

Mission Veng LC hian Mizoram State Animal Welfare Board leh JB Foundation te thawhpuiin, anni nen tangrualin Ui khuahkhirhna hi kalpui an tum a, June ni 28, 2024 zanah an vengchhung a Ui vulh zawng zawngte chu, Mission Veng Kohhran Centenary Buildingah kokhawmin, hmalak ho dan tur sawipui an tum a ni.