ZALEN Feb 7, 2025; Mizoram khua leh veng tam takah khawhar in riah kalpui hleih theih a nih tawh loh laiin, thingtlang khaw tam takah chuan tha takin kalpui a la ni.

Sunhluchhip branch YMA hruaituten ZALEN an hrilh danin, an khuaa chhiattawk an awmin chhiattawk chhungkuate in a leng tawk tur, tlangval khawhar in riak an awm thin a, a tul a piangah khawhar in riakte hian an pui thin bawk. Hetianga khawhar in riah hi a theih chhung chu kalpui zel an la tum tih an sawi.

Mizo society a bet nghet tak thin, khawhar in riah hi a bikin khawpuiah chuan kalpui a ni tawh lo tlangpui a, chhungkaw khawsak phung danglam tawh vang leh hun danglam zelin a a kel tel anga in her remna pakhat ni pawhin a lang.

Hetihlai hian hetianga khawhar in riah hi thingtlang hmun tam takah chuan kalpui chhunzawm zel a la ni thung a, chhiattawk chhungkuate tan pawh malsawmna thlentu an la ni zel a ni.