DOWNLOAD OUR APP

Read latest news on your phone
app-store
Khawiva project-in power 26 MU siam tawh
Nov 17, 2019

Aizawl: Lunglei bula mini hydel project pakhat Khawiva Mini Hydel Project chuan din a nih atangin power 26.33 million unit a siam chhuak tawh.

Khawiva Mini Hydel Project hi Mizoram a Hydel project hmasa ber dawttu niin, 350 KW unit awmin, kum 1986 khan Hydro Electric Division in hna an thawk tan a, ni 5.12.1988 ah hman theih tur peih a ni. June 1996 khan a enkawlna hi 132KV Sub Division hnuaiah hlan a ni. Tun dinhmun ah hian kum tin unit nuai 6 atanga nuai 7 inkar siam chhuak ang a ni.

He project hi tuai thar leh anih hnuah, Deptt a enkawl turin mihring lam indaih lohna a nasat tak em avangin, a enkawl hna chu M/s Amazon Engg., Vaivakawn hnenah 2010 atang khan hlan a, an ni hnen atang hian unit khat Rs. 1.05 in sorkar in a lei let thung a ni. He project hian kum 1988 atang a vawiin ni thleng hian 26.33MU a siam chhuak tawh a ni.

Khawiva ah hian 132 KV Sub station dah a ni bawk a. Power hi Zuangtui atang Bukpui kal tlang a dawn a niin, Khawiva atang hian chhim lam district 3, Siaha, Lawngtlai leh Lunglei te chu eng pek chhuah leh an ni. Power hi heng District pathum te hian an mamawh san lai berin 18MW bawr vel an hmang a, heng Power transformer 2 an hman mek te hi an overload ve lek lek tawh a, NERSIP scheme atang 25MVA dah belh tur a hmalak mek a ni.

132KV Melriat to Khawiva via Buarpui hi siam mek a ni a, kuminah chuan zawh hman beisei a ni. He line siam thar ah hian harsatna ber chu Buarpui road lam a kal a ni a, ruah tui a tlak hlek chuan motor lian a luh theih lova, hna a muan phah a, sawrkar scheme lian a nih vanga compensation uchuak tak a beisei an awm leh thin avangin hna a chak loh phah bawk niin project thawktute chuan an sawi.

Khawiva tlawhtu Zalen palai hnenah P&E thawktute chuan staff an indaih loh avangin leh awmchilh a ngaih avangin harsatna an tawk tih an sawi a. Quarter an neih te chu kum 1988 a sak te an nih avangin a chhe tawh hle. Project panna kawng pawh a chhiat avang leh tui thianghlim an neih loh avangin harsatna an tawk tih an sawi bawk.

Khawiva hmunah vek hian NEDP scheme hnuaiah 100 PWp solar plant kalpui a ni bawk a, he hna hi M/s Swastik Enterprise ten thawkin July 2018 atang khan hman tan a ni a, unit 12000 vel a siam chhuak tawh a ni. He plant hian ni khatah 100KW a siam thei a, mahse dan tlangpuiin 75KWW vel a siam niin P&E thawktute chuan an sawi.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh