Aizawl July 15, 2024 : Khawl hmanga Langkaih lui balu lâk anih chungchangah July 13, 2024 khan CESJ chuan Deputy Commissioner, Mamit hnênah dan anga hmalakna nei tûrin lehkha an theh lut.

CESJ chuan Khawl hmanga lui balu, lui-a lung leh lei lâk chhuah chu, luia cheng nungchate tana damkhawchhuah ngaihna awm lo khawpa thil hlauhawm, lui kuang ti danglam vek thei a nih bakah, lui eco-system (river eco-system) nasa taka nghawng thei thil a ni, an ti.

Dan pawisa lotu ten lui kuang min khawp leh lui kama chenna in leh hmun pawimawh tana hlauhawm khawpa khâwl hmanga lui balu la tute chunga hmalakna nei tûrin CESJ chuan Deputy Commissioner, Mamit hnênah hian an thlen a ni.

CESJ chuan lui atanga khawl hmang balu leh lung lak hi The Mizoram (Forest Act) 1955, The Environment (Protection) Act 1986, Section 7 &15, Forest Conservation Act 1992, Section 2 bakah IPC Section 1860, 378 & 379 bawhchhiatna a ni an ti.