ZALEN August 12, 2025 : Sawrkar laipuia Ministry of Road Transport and Highway (Zone North East) chuan nimin khan Mizoram PWD Secretary hnenah lehkha rawn thawhinNH 44A siamna tura sum dil chu pek an nih tawh thu a rawn hrilh.

PWD Minister Vanlalhlana chuan hemi chungchangah hi sawiin, "July ni 23, 2025-a Union Minister Pu Nitin Gadkari, MoRTH hnena One Time Improvement (OTI) of by-pass road of old alignment of NH 44A sanction tura D.O. letter ka ziah chu Ministry of Road Transport & Highways (MoRTH) atangin nimin (August 11, 2025) khan Administrative Approval and Financial Sanction Rs. 48.63 crore kan hmu tih an rawn thawn a ni," a ti.

Sum hmuh hi NH 44A (Lengpui to New Eden Road)-in a hel tak kawng pawimawh tak tak 5 :-

1. Rawpuichhip khaw panna (27.00 - 35.00km), 

2. Dapchhuah - Dampui (50.00 - 70.00km), 

3. Mamit - Bawngva (75.00 – 91.00km), 

4. Darlak - Tuidam (105.00 – 112.70km) leh 

5. Tumpanglui / New Eden (120.24 – 121.84km) te siamna tur a ni ang. 

Vanlalhlana chuan, "Khawthlang lam kawng pawimawh em em leh fura kan buai fona kan siamtha thei tur hi lawmawm ka ti takzet a, a chhawrtu tur Mamit District mipuite ka lawmpui hle a ni," a ti.