Himachal Pradesh naupang Akrit Pran Jaswal hi a dangdai ve khawp mai, kum 7 mi lek a nihin surgeon a ni der tawh! Khawvela surgeon naupang ber nia hriat a ni - India-in record dagdai tak a siam e. 

Naupang kum 7 mi chauh hi chu la naupang tak an ni, Mizo zingah phei chuan sikul kal tirte chauh an la ni - Akrit Pran Jaswal hi chuan mi zai a tichhin der tawh a ni. Akrit hi a dangdai ve hrim hrim a, kum 2 mi chauh a nihin ziak leh chhiar a thiam nal tawh hle. Kum 5 mi a nih phei chuan duh tawkin English a hmang thei tawh a, Maths leh Science te pawh a thiam tawh hle. 

A chanchin hian ngaihven a hlawh a, tunah chuan a tha zawngin khawvel hriat a hlawh der tawh. A record hi a namai lo hle a, khum pawh harsa tur tak a ni. 

Nurpur, Himachal Pradesh-a piang Akrit Jaswal hian record dang pawh a siam nual a, chung zinga pakhat chu University zirlai ni thei naupang ber a nihna hi a ni. Kum 12 mi lek a nihin University a rap a, India rama University zirlai naupang ber a ni. Chandigarh University-ah science zir turin a inziak lut a, kum 17 a nihin master degree (chemistry) a zir leh bawk.

Indian Institute of Technology (IIT) Kanpur-ah a inziak lut leh tawh a, bioengineering a zir mek a ni. Akrit Jaswal hi a IQ pawh a tha hle a, Oprah Winfrey talk show host-ah pawh a inlan hial.