Nupa tuak thar Kiara Advani leh Sidharth Malhotra te chuan film an chang dun dawn niin media thenkhat chuan an tarlang. 

Bollywood star Sidharth Malhotra leh Kiara Advani te hi February thla khan an innei a, an hlim dun vanglai tak an tawng chho mek. Chhangchhiat tak tak hmain film chan dun an tum a nih hmel a, Karan Johar production company te nen film siam turin inremna an siam. An film title tur hi puanzar a la ni lo a, Shashank Khaitan chu director tur a ni ang.

An puitlin thei a nih chuan pum khat an nih hnua an film chan hmasak ber tur a ni dawn a, fan lam pawhin an ngaihlu viauin a rinawm - August thla atangin shooting an tan ang. 

Sidharth leh Kiara te hian film chang tur hian contract pathum an ziak nia sawi a ni a, Bollywood lamah kan hmu chho deuh mawlh mawlh dawn a nih hmel hle. Sidharth hi Rohit Shetty film siam tur Indian Police Force-ah a inlan dawn bawk a, a nupui Kiara pawh Kartik Aaryan nen 'SatyaPrem Ki Katha' ah an inlan dun dawn a ni.