Kim leh Pete an in-‘date’ em ni?

Admin - Nov 07, 2021

Kanye West-a’n Kim kir turin a duh

Tun laia khawthlang media te titi luahtu ber pakhat chu Kim Kardashian leh American comedian Pete Davidson te inkar thu hi a ni. Hemite pahnih hi kawppui then ve ve an ni a, an lo in 'date' a nih pawh tun an dem em lo'ng chu maw?

Kanye West nen an inthen hnuah Kim Kardashian thawm a reh zui viau dawn emaw tih laiin boruak a nei leh bhat thin a, tunah pawh Pete Davidson nen an inzui niin thu a thang mek. Hetih lai hian Kanye West chuan Kim Kardashian hi a hnena kir leh tura a duh thu a lo sawi  ve mek bawk. Khawthlang media te chuan Kanye leh Kim te inkar hi a tha tawh a, zanriah pawh an kildun leh tawh niin tarlang mahse an la cheng dun leh lo niin a lang a, hei hian an inkar a la tha takl tak lo em ni tih zawhna a siam mek a ni. 

Hetiang boruak karah hian Ariana Grande tawih hlui Pete Davidson a rawn lang a, hmeichhe lama harh vang ve tak Pete hi Kayne tan chuan ngaimawh tham a tling ve reng bawk a ni. Hetih rual hian Pete leh Kim te hi an inkarah eng nge thleng hriat a ni lo a, an mahni an ngawih miau avangin rin thu bak sawi vak theih a awm rih lo. 

Kayne West pawh hi a 'pathlawi' tirh khan Russian supermodel chhelo Irina Shayk nen sawi zawm an lo ni tawh a, France lamah chawlh an hmang dun niin media te chuan an tarlang nas hle a nih kha.

Share now