ZALEN February 25, 2025 : March 7-9, 2025 chhungin Thenzawl-ah Zoram pum huap Kohhran Hmeichhe Inkhawmpui Lian (Presbyterian) neih a ni dawn a. Mikhual tam tak kal khawm tura beisei a nih avangin tui lamah harsatna tawh loh nan chhungtin ten Tuizem a theih anga lian lo nei vek turin Sr. EE PHE, Serchhip chuan mipuite a ngen.

Serchhip Sr. EE chuan PHE Department chuan tui sem kawngah theih tawp a chhuah dawn a ti a, chutihrual chuan Inkhawmpui laia chhungtin hnena nitin a tui sem erawh a theih dawn loh avangin mahni tan zel a ni tih hria-in an ngenna ngaihpawimawh theuh turin a ngen a. Inkhawmpui hma-a hman theih turin Hand Pump Tube well tha lo zawng zawng pawh siam that hman tum a nih thu Sr EE, PHE, Serchhip District chuan a tarlang bawk.