Aizawl August 23, 2024 : Vawiin dar 10:30 hian DC Conference Hall, Kolasib-ah Kolasib Deputy Commissioner C. Lalhmangaiha kaihhruaiin Sr. Superintendent of Police, Kolasib ; Sr. Executive Engineer, PWD, NHD-III ; Manager (P) NHIDCL, DIPRO, Kolasib leh Office Bearer, Kolasib District Truck Owner Association (KDTOA) & Kolasib District Driver Welfare Joint Action Committee (JAC) te nen Kolasib District chhunga Highway kawng tha an neih theihna tur leh Road Block 22/8/2024 atanga kalpui mek chungchang an sawi ho a, kawng dan tihtawp a ni.

Hetiang hian KDTOA leh JAC Coordination Committee te hian National Highway 306/06 Road Block an Call Off anih chuan hengte hi tih hlawhtin ngel ni rawh se, tiin a hnuaia mi ang hian rawtna an thlen a ni.

1. Kolasib District huamchhunga Mizoram chak lakna kawngpui, NHD-III, PWD enkawl Bairabi - Zero Point, Bilkhawthlir-Kolasib leh Kawnpul - Khamrang te hi vawiin August 23, 2024 atanga thla khat chhungin kawngpui khuar lai hnawha pangngai taka kal theihna turin an siamfel hman tur a ni

2. Kolasib District huam chhunga Mizoram chak lakna kawngpui NHIDCL enkawi Sethawn RTP Workshop kawng chhe lai leh Kawnpui quarry kawng chhe lai te hi an lo intiam tawh angin vawiin 23 August, 2024 atanga ni 15 chhungin lirthei eng chi pawhin nuam taka zawh theih turin an siamfel hman tur a ni.

3. Heng a chunga kan tarlan point pahnih te hi Kolasib Deputy Commissioner-in ti hlawhtling ngei turin theihtawp chhuahin hma a la zui nghal ang.

Hetianga a chunga tarlan ngenna point pathum te hi tihlawhtlin nghal an intiam angin vawiin August 23, 2024 chawhma dar 2:00 PM hian Road Block kalpul mek che lungrual takin Call Off kan remti tlang a, August 23, 2024 dar 1:00 PM hian hming an sign hnan a ni.