Aizawl: Nakum 2020 KTP General Conference nghahna tur Serchhipa Leisekawt Field chu buatsaih tan a ni.

Nimin khan KTP General Conference 2020 neihna Pandal sakna tur Leisekawt Field-ah a vawikhatna atan hnatlang neih a ni a, Serchhip-a Pastor Bial pathuma KTP member-ten a huhoa hnatlangin Leisekawt field-a hnimte an sâmfai a, hnatlangah hian mi 250 chuang an thawk chhuak a, hnatlangte hi KTP General Conference 2020 Organising Committee Vice Chairman, Rev. Lalrintluanga leh Secretary Upa Lalthanzama-ten an ho a ni.

KTP General Conference atana inbuatsaih hian Organising Committee chuan Sub-Committee engemawzat dinfel tawhin, Sub-Committee hrang hrangte hian anmahni hna chanpual theuhah KTP General Conference atan hian inbuatsaihna an lo kalpui thawh hlawm a ni.