Aizawl June 5, 2024 : Dan lo a ramdang kuhva phurte check turin Hachhek biala Kuhva chingtute chu an duty leh tan dawn a. Vawiin June ni 5, 2024 hian duty hawnna inkhawm tawi Zamuang ah neih a ni. Kuhva tawlh thinte kal lo turin an ngen a ni.

Duty hawnna inkhawmah hian HBKCP Chairman Kanan Lalhlimawma chuan thusawiin, Sawrkar an do lo a, sawrkar hmalakna ah lawmthu aan sawi a. An eizawnna ber Kuhva hralh kawnga harsatna siamtu Ramdang atanga dan lo a kuhva tawlh dang turin theihtawp an chhuah dawn tih a sawi.

HBKCP Gen.Secy, Lalvenhima Ralte chuan report a pe a, tun tum duty hi khaw hrang hranga inchhawka duty tur a ni a, kuhva chingtuten tlawmngaih chhuah a, mahni insengso a, chaw fun nena thawh chhuah mai a ngaih dawn thu a sawi bawk.