ZALEN July 19, 2025; Khawzawl police-te chuan nimin tlai dar 3 khan Tuisenphai checkgate-ah truck pakhat atangin kuhva rah ro kg. 2,030 vel thiam taka thuhruk an man.

Thudawnna in a tarlan danin, nimin tlai dar 3 vel khan Tuisenphai checkgate-ah Champhai lam atanga lokal truck pakhat MZ-01 AA 6341, Laltlanmawia (41), Champhai Zotlang khalh chu an lo check-a, kuhva rah bag 19 leh a bag atanga bunchhuah sa, kg. 700 chuang an man a, kuhva rah ro an man zawng zawng hi kg. 2,030 vel niin, tualchhung hralhna anga chhutin Rs. 5,07,500/-man hu a ni.

Lirthei khalhtu leh lirthei hi Khawzawl Police-te hian man nghalin, Champhai Custom Preventive Force kuta hlan tura tih a ni.

Heng Kuhva rahro an mante hi thiam taka thuhruk a ni a, truck hnunglam chunglam chu thil thahem tak dah theih tura siam a ni a, truck hi a hnunglam atanga motor khuhna tarpouline hawn mai chuan a ruak vek angin a lang a, police-te hian truck body khuhna tarpaulin hlipa an enchian chuan, a hnung chung lamah kuhva bag 19 rem taka thuhruk leh truck body hma lam a bika thil dahna tur an siamah kuhva rah, a bag atanga bunchhuah sa, kg. 700 vel zet an hmuchhuak bawk a ni.