Aizawl : Nikum chhung khan Mizoramah HIV +ve hmuhchhuah mi 1,869 an awm a, chung zinga mi 230 (1.2%) te chu nu nau pai an ni. Hetihlai hian tun hnai thla 9 chhungin Mizoram-ah a thlawna thisen pek (Voluntary blood donation) chu Unit 18,328 (90.19%) a tling.

Mizoram State Aids Control Society (MSACS) chhinchiah danin, nikum January - December chhung khan Aizawl district-ah mi 18,535 test atangin +ve 974 (5.3%) hmuhchhuah an awm a, nu nau pai 8,085 endik atangin +ve 124 (1.5%) hmuhchhuah an awm.

Champhai district-ah mi 4,577 endik atangin +ve 137 (3.0%) bakah nu nau pai endik 2,891 atangin +ve 24 (0.8%) hmuh chhuah an ni. Kolasib district-ah mi 2,747 endik atangin +ve 106 (3.9%) leh nu nau pai 1,489 endik atangin +ve 11 (0.7%). Lawngtlai district-ah mi 2,538 endik atangin +ve 70 (2.8%) leh nu nau pai endik 1,348 atangin +ve 9 (0.7%) hmuhchhuah an ni.

Lunglei district-ah mi 3,825 endik atangin +ve 179 (4.7%) leh nu nau pai endik 2,146 atangin +ve 27 (1.3%), Mamit district-ah mi 1,980 endik atangin +ve 59 (3.0%) leh nu naupai 1,197 endik atangin +ve 13 (1.1%) hmuh chhuah an awm. Siaha district-ah mi 1,361 endik atangin +ve 51 (3.7%) leh nu nau pai 1,106 endik atangin +ve 9 (0.8%), Serchhip district-ah mi 3,259 endik atangin +ve 63 (1.9%) leh nu nau pai 1,424 endik atangin +ve 13 (0.9%) HIV +ve hmuhchhuah an awm.

MSACS chhinchhiah danin nikum April - December chhung khan damdawi in hrang hrang 11-a thisen pek zat chu unit 20,320 niin, chung zinga unit 18,328 (90.19%) chu a thlawn a thisen pek a ni. Civil Hospital, Aizawl chu thisen dawng hnem ber niin, Unit 10,652 an dawn atanga unit 9,589 (90.02%) chu a thlawn a pek a tling.