ZALEN March 2, 2025 : Nikum chhung khan Aizawl khawpui chhungah lirthei dan bawhchhia 10,211 man an awm a, an pawisa chawi tling khawm Rs. 73,10,602 a tling a. Lirthei dan bawhchhiatna thleng zingah lirthei hun/dah phal lohnaa dah (parking violation) a tam ber.

Aizawl traffic police hotute hnen atanga ZALEN thudawn danin nikum chhunga lirthei dan bawhchhia an man tam ber chu two wheeler niin 7,252 a tling a, LMV 2,104 man bawkin taxi 403 man an awm a, hengte hi dan bawhchhia man tam zualte an ni.

Dan bawhchhiatna hrang hrang zingah phal lohna hmuna lirthei dah chu dan bawhchhiatna tam ber niin 2,359 man an awm a, no entry 752 man awm bawkin, wrong side traffic 564 man an awm.

No turning 524 man awm bawkin obstruct traffic flow 349, helmet khum lo 242, disobey signal/order 153, without driving license 218 leh drunken driving 79 man an awm bawk.

Nikum chhung khan Aizawl khawpui chhung-ah lirthei chetsualna thleng a nunna chân mi 87 awmin, inhliam mi 100 an awm a. Data atanga a lan danin, nikum chhung khan July thlaah dan bawhchhia lirthei man an tam ber a, traffic police man zawng zawng 1,131 tlingin, an pawisa chawi pawh Rs. 7,86,700 a tling.

June thlaah dan bawhchhia lirthei man tlem ber thungin, lirthei 708 man awmin, an pawisa chawi tlingkhawm Rs. 5,00,800 a tling.

Aizawl Traffic : Dan bawhchhia

Kum   Man zat   Chawi zat

2020  11,092   Rs. 43,82,250

2021  10,027   Rs. 34,03,100

2022  18,359   Rs. 82,61,600

2023  14,683   Rs. 1,05,46,412

2024   10,211   Rs. 73,10,602