ZALEN, May 19, 20206: Naupang kum 12 mi lek, Esther Lalpekhlui chuan a lehkhabu pahnihna a puitlin leh ta a, Pathianni khan ‘Tawngtai Thiltihtheihna (Hmeichhe 40-te nun atangin)’ tih chu chhuah a ni.

Esther-i hian nikum khan kum 11 mi lek niin a lehkhabu hmasa, ‘I nun thlak danglam turin’ tih a ziah chu a lo tichhuak tawh a. Mizo zinga Mizo tawnga lehkhabu ziak naupang ber a nih vanga January 23, 2026-a National Girl Child’s Day-ah khan Beti Bachao Beti Padhao (BBBP) Girl Champion Award, 2026 hlan a lo ni tawh nghe nghe.

A lehkhabu hmasa avang hian Youth Empowerment Summit - YES 2025-a Stars of Tomorrow atan Mizo naupang panga thlan chhuah zingah a tel phah bawk.

Tuikhuahtlang, Aizawla cheng, Esther-i te unau hian lehkhabu an tichhuak vek tawh a. A nau, Shepherd Zomuani pawhin nikum khan lehkhabu pahnih tichhuakin a u, Moses Lalawmpuia leh a nu, Ammie Lalnunpuii pawhin lehkhabu an lo chhuah tawh bawk.