Aizawl: Kum 5 kalta 2015 atanga January 2020 inkar chhung khan Aizawl district ah lirthei chesual vangin mi 137 an thi.

Aizawl City Traffic Police chhinchhiah danin kum 5 kalta chhung khan Aizawl district ah hian lirthei chetsualna tum 158 thlengin thi 137 leh hliam 153 an awm a. Kumin January thla bikah hian lirthei chetsualna tum 8 thlengin thi 6 leh hliam 3 an awm a ni.

Kumin January leh February thla chhung khan Traffic Police te chuan lirthei dan bawhchhia 1502 an man a, an sum chawitir tlingkhawm chu Rs. 655,150 a ni. Lirthei dan bawhchhe zingah two wheeler tam berin dan bawhchhia 468 man an ni a, hei hi lirthei dan bawhchhia atanga chhutin 41% a tling a ni.

Mizoram sawrkar chuan March ni 16 atanga 22 inkar chhung hian himna hapta 'road safety week' a hmang mek a, he hapta hi Thawhtanni kalta khan Transport Minister TJ Lalnuntluanga chuan a pisa, Mizoram New Capital Complex ah a hawng. Road Safety Week vawi 31-na Mizoram puma hman mek thupuiah “Dan zawm hi himna a ni” tih chu thlan a ni.