April 10, 2024; Excise & Narcotics Department chuan nimin (Thawhlehni) chawhnu dar 3:30 khan Khuangleng dai, Leisekawt, Champhai District-ah heroin gram 810.100 (Hawng 61) leh a neitu nia puh Hrangherkapa (62) s/o Tawkliana(L), Khawthlir, Myanmar-a khawsa nia inchhal chu an man.

Heroin vanga man, Hrangherkapa hi The Narcotic Drugs & Psychotropic Substances Act, 1985 tlawhchhanin thubuai siamsak a ni.

He thubuaiah hian thiam loh chantir a nih chuan Kum 10 atanga Kum 20 thleng Jail tan leh pawisa Rs. 1,00,000 atanga Rs. 2,00,000 thleng chawi bawk tura hrem theih a ni ang. 10thApril, 2024 khan Judge, Special Court (NDPS Act), Champhai Judicial District-ah hruai a ni.