Aizawl: Tun hnaia tlangzarh tak Special Summary Revision of Photo Electoral Rolls 2021-ah kum dang aiin voter lut thar an tam zawk.

Aizawl district bika Assembly bial 12 awmah chawhrualin voter an punna zat hi 2.70% a ni a, electoral roll buaipuitute chuan kum dang aiin voters thun thar an tam niin an sawi a. Voter lut thar an tam chhan hi kum danga zirlai leh hnathawka hmun danga awm bo thinte e-roll buaipui laia state chhunga an awm vang niin an sawi. Aizawl district bikah hian Aizawl North II (ST) chu chawhrualin voters pun tlemna ber a ni a, a punna hi 1.47% a ni a. Aizawl West I (ST) chu a pun tamna ber niin 4.77%-in a pung a ni.