DOWNLOAD OUR APP

Read latest news on your phone
app-store
Kum hnih chhungin LWE tihtawp a ni dawn : Shah
Oct 08, 2023

Union Home Minister Amit Shah chuan Left Wing Extremism (LWE) chu kum hnih lo awm leh tur chhungin ram chhungah chhut chimih a ni dawn tih a sawi.


New Delhi-a Zirtawpnia LWE chungchanga chet lakna thlirletna neih a ni a, hetah hian LWE chu a bulthut atanga rawt sawm a ngai tih a sawi a. “Naxalism hi mihring mihrinnaa vanduaina a ni,” a ti.


Kum 2022 liam ta kha kum 40 liam ta chhunga Naxal helho chet tamna thin hmuna tharum thawhna leh thihna a thlen tlem ber kum a nih thu a sawi bawk.


Thutkhawmah hian LWE tamna state-a chief minister, deputy chief minister leh hotu lian tak tak an tel a. Shah chuan Prime Minister Narendra Modi-a kaihhruaina hnuaiah LWE-in a tihbuai state-te nena thawhhona that zarah kum 2022 leh 2023 chu hlawhtlin kum a nih thu a sawi.


LWE chetna hi kum nga liam ta chhungin a hma kum nga aiin 52% zetin a tlem zawk a, thihna pawh 69%-a tlem zawkin civil mi thihna 68% leh venhim hna thawktu thihna 72%-in a hniam zawk bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh