ZALEN March 21, 2025; Kum tlinglo lirthei khalh ngawrh zawkin endik a ni dawn a, man te chu dan anga hrem zel tur an ni.

Transport department tarlan danin, kum tlinglo lirthei khalh chungchanga Supreme Court Committee on Road Safety thuchhuak bawhzuiin, ni 17.3.2025 khan transport minister hoin a kaihhnawih department nen meeting neih a ni a.

He meeting thuchhuak angin district transport office zawng zawngte chu kum tlinglo lirthei khalh thinte nasa zawka lo endik thin tur leh dan bawhchhiate chu MV Act, 1988 tlawhchhana hrem zel tur a ni. Hetiang an mante leh an hrem zui dan tur chu directorate of transport-ah report zel tur a ni.