ZALEN June 14, 2025 : The Salvation Army, Central North Division Street Mission Cell (SMC) kumin atana SMC ten Feed The Need an kalpui thin chu 13.06.2025 (Friday zan) khan a vawi-20 na atan Zodin SBI kawtah neih a ni.

Nizana atana Feed the need nei tura thawkchhuak te hi Chanmari West Corps SAY te leh Edenthar Field Veng Society SAY te niin mi 58 an thawk chhuak a, plate 240 chuang eitur hi semchhuah a ni. 

Pathian faka zaiho na hun mai bakah, mamawhtute hnenah Counselling leh Tawngtai sakna hun hman a ni bawk a. Division SAY Council Member te, Central South Division SMC Member te leh Territorial Street Mission Board Member te leh Territorial SAY Council ten an telpui bawk a ni .

SMC chuan Chanmari West Corps SAY te leh Edenthar Field Veng Society SAY te inpekna ah leh rawn tawiawm tute zawng zawng chungah an lawmthu a sawi a, duhsakna an hlan ni.