Aizawl: April ni 16, 2021 khan Mizoram ah Covid-19 positive thar 62 hmuhchhuah an ni a, kumin chhunga ni khata hmuhchhuah tam ber ni a ni.

Zirtawpni khan ZMC a RT-PCR Laboratory-a sample test 345 zingah Covid-19 positive 12 hmuhchhuah an ni a. District hrang hrang TrueNAT Laboratory-a sample test 112 zingah positive 23 an awm a. Rapid Antigen Test hmanga sample test 1612 zingah Covid-19 positive hmuhchhuah thar 27 an awm bawk.

Tihian Mizoramah Covid-19 positive hmuh tawh zat chu 4809 niin dama chhuak 4482 leh enkawl mek 315 an awm a. Hetih lai hian Covid-19 vanga thi 12 an awm bawk a, Mizorama Covid-19 vei tihdam zat (recovery rate) chu 93.20% a ni mek.

April thla bika Covid-19 vei thar hmuhchhuah an tam hle a, nimin thleng khan April thla chhungin hri vei thar hmuhchhuah 333 an awm tawh a ni.