Aizawl: Kumin January atang Zirtawpni (28.10.2022) thleng khan Mizoramah damdawi hmansual vangin mi 32 an thi tawh.

Excise & Narcotics Department chhinchhiah danin kumina damdawi hmansual vanga thi 32 zinga 29 hi mipa an ni a, hmeichhia 3 an awm bawk. Damdawi hmangsual zinga 11 te thihpui hi heroin a ni a, a dang 21 hi heroin leh thildang chawhpawlh hmang te an ni.

Excise & Narcotics Department chhinchhiah danin kum 1984 atanga October 28,2022 thleng khan Mizoramah damdawi hmansual vanga thi 1725 an awm tawh a, an zinga 1521 hi mipa niin hmeichhia 204 an awm bawk. Damdawi hmangsualtute thihpui tam ber chu Proxyvon/ Parvonspas a ni a, mi 1161 an thi a. Heroin vanga thi 225 awmin mi 339 te chu damdawi hrang hrang tihpawlh te an ni.