Aizawl: Central YMA hnuaia ruihhlo dotu, Central Anti Drugs Squad (CADS) hruaitute chuan Mizorama ruihhlo hluar mekin kumtlinglo a la luhkhung lutuk lo ni-ah an ngai a, hetihlai hian Mizoram paltlang a ruihhlo tawlh a tam hle. 

CADS din thar leh a nih hnu a batch thumna convener, Prof. Malsawmliana hnen atanga ZALEN thudawn danin, tun hnai thla thum chhunga ruihhlo khawih an mante an zirchianna atangin kumtlinglo zingah ruihhlo khawih an la tam vak lo niin a lang a, chung mite data an lakkhawmah kumtlinglo an awm mang lo. Ruihhlo ti leh zuar an man tam berte chu kum 20 leh kum 40 inkar an ni deuh ber.

CADS convener sawi danin tunlaiin ruihhlo (heroin) hlawm lian tham a tawlh a tam hle a, chungte chu Myanmar lam atanga rawn chhuk a ni deuh ber.

A hlawm lianho hi hmun danga mi tur a nih hmel a, a kawng berah Mizoram an hman bawk si avangin man tur pawh a tam phah hle.