Aizawl September 4, 2023: Vawiin khan ZPM chuan an party office-ah chhung inkhawm hun an hmang a, thusawitu C. Laltanpuia, Treasurer chuan, “Kalphung thar mipui sawrkar kan din hunah chuan kut hnathawktute tan kawl a eng dawn a, awlsam si hlawk zawk bawk si a hmalakna kan kalpui theihnan kan mithiamten ruahmanna an siam fel vek tawh a ni,” a ti.

ZPM Party Treasurer chuan, “Kalphung thar mipui sawrkar kan tih hi amah leh amah a insawifiah nghal a, kalphung thar chu mipui sawrkar din a ni mai. Sawrkarna kan siam hunah chuan mipuite duhdan a lal dawn a, mipuite kaihruaitu tha tak tak kan neih dawn avangin a thlamuan thlak hle a ni. Kut hnathawktute tan kawl a eng dawn a, awlsam si hlawk zawk bawk si a hmalakna kan kalpui theih nan kan mithiamten ruahmanna an siam fel vek tawh a ni,”a ti bawk.