ZALEN July 13, 2025: Lai Autonomous District Council-a CEM N. Zangura chuan New Delhi-ah 16th Finance Commission of India office tlawhin, LADC-in project hrang hrang a thehluh leh mamawhte a thlen.

LADC CEM hi 16th FC Chairman Dr. Arvind Panagariya leh member Dr. Manoj Panda ten lo dawngsawngin ADC tan theihtawp an chhuahpui tur thu CEM an hrilh a, New Delhi tlang thleng thlenga project bawhzui tura a kal chu lawmawm an tih thu an lo hrilh.

Project an thehluhte chu priority list-te thlang chhuaka thehlut tha leh turin an hrilh nghal bawk.

CEM hi BN Thangpuia MDC leh Joseph Lalhmingthanga Chinzah, Sr. AO, Finance Dept. ten an tawiawm a ni.