ZALEN September 7, 2023 : MNF chuan RTI atanga chhanna an hmuh atangin Serchhip bialtu MLA Lalduhoma, ZPM Chief Ministerial candidate MLA fund hman dan chu a dik lo an tih mai bakah mak an tih thu an sawi.

Lalduhoma hian a MLA fund atang hian 2021-2022, kum 2 chhungin cheng 16,42,000/- (nuai sawm paruk chuang) a hmang. MLA-in a kanna dawng te hi mi 30 an ni a, cheng Rs. 2,00,000 (nuai hnih) chuanga dam lo kan hi paruk a nei a, a bak chu 5000 chung lamin a kan hlawm niin MNF chuan an sawi.

MNF chuan Lalduhoma hian Welfare chi hrang hrang hnenah fund a pe thin niin an sawi a, sum thahnem tak a pek welfare te hi pawl phuahchawp, an veng leh khua te pawhin an hriat loh te an nih thu an sawi.

MNF chuan, "Lalduhoma'n an a fund a pek Welfare lem hming hmanga hnathawktute hi kalphung thar tlangaupuitu ZPM mi leh sa vek an ni. Party induhsak bikna na takin an kalpui mek a, mipuite’n an aiawha an thlan tlin VC-te pawh an rep char vek duh a. Chuti chung chuan ‘mipui sorkar’ an la tlangaupui ngam hi a huaisen thlak hle. Mipui bum tuma an nih lohna anga inlantir mek ZPM-te hi kan hriatchian a hun hle," an ti.