Rashtriya Janata Dal hruaitu, Bihar Lalu Yadav-a chu Bihar fodder scam an tih, a sorkar laia ran chawi leina thubuaia thiam loh changa lung in a tan mekna atangin nimin khan Jharkhand High Court chuan bail-in a chhuah.

Bihar chief minister hlui hi ‘Dumka Treasury Case’ an tih mai he thubuaiah hian ran chaw leina tur sum tichingpenin hetih laia Bihar, tuna Jharkhand ni taa khawpui pakhat sorkar sum bawm, treasury atangin Rs. Vaibelchhe 3.13 laa puhin thiam loh chantir a ni.

Yadav-a hi a hriselna dinhmun a that loh avangin Delhi-a AIIMS-ah a awm mek a. A hmain he thubuai kaihhnawih thova thubuai dang pathumah bail-a chhuah a lo ni tawh.

Dumka treasury case-a bail a nih leh tak avang hian damdawi in a chhuahsan theih chuan a inah a haw thei dawn a ni.