DOWNLOAD OUR APP

Read latest news on your phone
app-store
Lam thiam Hriata currenti-in a man hlum, ava pawi tak em
Jul 06, 2023

Mizo lamthiam Nintendo tia hriat thin Lalhriatzela, Zuangtui Veng chu July 6, 2023 Ningani chawhma dar 10 vel khan kum 25 mi niin chatuan ram min pan san ta. An huan a tihfaina lamah electric line-in manin vanduaithlak takin a boral zui nghal a ni.

Hriata hi Mizo lamthiam zingah chuan tawnhriat ngah leh thleng thui ber zinga mi a ni a, 2016 khan Mumbai-a Hip Hop International, Indian National Qualifiers-ah 2 VS 2 All Styles Battle-ah Arunachal-a thianpa nen Gold Medal an lo la tawh. Hei bakah hian 2019 khan Indian dance reality show lar Star Plus Channel buatsaih ‘Dance Plus’ ah Top 32 a lo thleng tawh bawk a ni. Mizo zinga dance reality show leh competition-a thleng sang ber a ni. Zonet buatsaih U Got Talent 2017 ah Snow Buzzer a lo dawng tawh bawk a ni.

Heng bakah hian State leh Regional level intihsiakah lawmman hrang hrang a lo la tawh bawk. Delhi leh Mumbai-ahte training neiin, 2020 khan Singapore-ah India aiawhin intihsiakna lianah kal turin a inbuatsaih. Mahse Covid hripui leng avangin a thulh a, Mizoramah a lo let. 

Mizo Dance Camp team member angin kumin January thla khan Power of Desi Street Mumbai-ah Mizoram aiawhin intihsiakah a tel leh bawk - April thla khan Battle Yaa Skills, Bangalore-ah a tel zui a ni. Hei hi lam thila a zin chhuahna hnuhnung ber a lo ni ta.

Hmanni lawka buatsaih Mizo Dance Camp ‘The Main Event’ Mizoram Dance Sports & Movement Championship ah khan organising member a ni a. Showcase-ah a dance piece ‘Rest In Motion’ tih chu a lam hnuhnungber a ni ta. "Mizo lam mi tan chuan channa nasa tak a ni a, a sulhnu hi Mizo dance community chuan a hre reng tawh dawn a ni"’ tiin Alan Rinawma, MDC Founder & Creative Director chuan a thlah a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh