Aizawl February 6, 2024 : Mizoram Larsap Dr Hari Babu Kambhampati-a'n a sawm angin Mizoram Youth Commission chairman Malsawmzuala Ralte chu Raj Bhavan-ah vawiin khan a leng a, zin dun puiah Larsap hian a sawm.

Malsawmzuala Ralte chuan MYC hmalak dan tlangpui leh an hmachhawp bakah, mizo thalaiten hna zawn leh mahni kea an din theihna tura an ruahmanna neih te a hrilh a.

Dr Hari Babu Kambhampati chuan, thla thara Andhra Pradesh leh Tamil Nadu inrina Sri City Special Economic Zone (SEZ) tlawha zin a tum thu leh Mizo thalaite tana thawh theih tur hna a awm a beisei tih sawiin, a hmunhma en a, hmalak theih dan zirchiang tura zin pui turin MYC chairman chu a sawm nghal a, Malsawmzuala Ralte pawhin kal ve ngei a tum thu a sawi.

Malsawmzuala Ralte chuan, Mizo thalaite hmakhaw ngaitu Governor an nei chu lawmawm a tih thu a hrilh.