November 4, 2022; Nimin tlai dar 4 vel a Power & Electricity department, Lawngtlai a thawk, Francis Rochungnunga (30) s/o Chhiahkama (L) Line Man (MR),  power line a siamlai a electric current in a man vanga a boral chungchangah, a concern SDO Lalnghakliani, Lawngtlai Power Division chu suspend a ni a, control room a duty pawh criminal case siamsak a ni.

ZALEN thudawn danin, nimin tlaia chhiatna a thlen hnuah P&E department hotute chuan a rang thei ang berin thil awmdan an chhuizui nghal a, Lawngtlai Power Division a SDO chu suspend nghal niin, thil thlen lai a power house a duty muster roll (MR) pakhat chu police in criminal case an siam sak tawh avangin, suspend anga ngaih a ni sa bawk. Hetihlai hian a concern JE chu Rulkual khua thil thleng chungchangah chhui lai mek a nih vangin suspend tura ngaih sa a ni.

Vanduaina tawk a boral ta Francis Rochungnunga nupui chu sawrkar hna (Compassionate appointment) pek a ni dawn nia thudawn a ni.

Hetihlai hian October ni 14, 2022 a Lawngtlai district chhung, Rulkual khaw mi, hnatlanga P&E hnathawk an puihna lam a electric current in a man vanga boral mi pathum te chu zangnadawmna an hmuh theihna turin Mizoram sawrkarin hmalakna a kalpui mek nia hriat a ni.