Aizawl: Lawngtlai District VC Association chuan tunhnai khan Covid19 avanga Myanmar ramri a venhim hna thawktute hnenah tanpuina an hlan.

Lawngtlai District VC Association te hi an President V.Lalramnghaka ho in tanpuina hi an hlan a. Myanmar nena inrina hmun pakhat Archhungkua bula awm Archhungkai ah hian YLA Sub-Hqrs Bualpui Ng te ruahmanna in Branch hrang hrang te kar khat dan zel ah duty turin ruahmanna kalpui chhunzawm zel a ni a. Lawngtlai District VC Association te hian an riak buk a ei tur buhfai bag 2, dal bag 1, alu bag 1, artui tukri 1, sangha tin case 1, chini kg 5, chi kg 2 leh purunsen kg 25 an bakah sumfai Rs 5000 an hlan bawk a ni. Hei bakah hian Pangkhua atanga KM 17 a hla Saisihchhuah (Ralvenchhuah) a duty te pawh tlawhin riak buka an ei tur leh sumfai a hmaa an hlan ang bawk an hlan leh a ni.

Lawngtlai District VC Association chuan Archhuangkai a Myanmar nen kan inrina a tlawmngai pawl ringawt an duty chu a fuh tawk lo an ti a. Tunah hian Assam Rifle te hi duty angin lang mahse, Archhung khaw chhungah chauh an duty a. Sawrkar mi pawimawh te an kal dawn chauhin ramri hi an tlawh thin niin an sawi.