Thisen pe
Nimin khan Chaltlang Branch YMA chuan Civil hospital, Aizawl a damlo mamawh te hman atan thisen unit 106 an pe a, Liverpool Fans Club in unit 57 leh midangin unit 24 an pe. Nimin vek khan Chhura hmun welfare committee, Bethel veng ten Champhai damdawi in tan unit 10 an pek bakah Liverpool fans thenkhat ten Lawngtlai damdawi in tan unit 5 an pe bawk. Nimin vek khan Mamit Pastor Bial Thalai Kristian Pawl (TKP) chuan July ni 30-a TKP Day lo thleng tur pual in District Hospital Mamit-ah thisen unit 24 an pe.

Serlui ah sangha chhuah
Aizawl: Fisheries Department chuan Zirtawpni khan Serlui B tuikhuah a Cage Farm ah sangha chi (fingerling) an chhuah. Sangha chi an chhuah te hi Common Carp leh Grass Carp chi 15,000 a ni a, sangha chi hi Cage Farm ah hian chhuah chhunzawm zel tura ruahman a ni. Sangha chi chhuah project hi Blue Revolution Scheme hnuai hmalakna kal lai a ni a, he scheme hnuai ah hian sangha chi chhuah tur hi a vaiin chi 60,000 vel a ni.ment hotute hian Cage Farm bula sangha chi siamna hmun leh a neitute a tlawh nghal bawk a ni.

Champhai DC hovin hmalak dan tur sawiho
Aizawl: Champhai Bawrhsap Maria C.T Zuali hovin Zirtawpni khan Agriculture & Allied Sector department hrang hrangte kaltlanga chak lehzuala hmalak theih dan tur te, line department-te inkara thawhhoa tha zawk a awm theih dan tur DC Conference Hall-ah an sawiho.