January 6, 2024; Kum 20 hnu-ah Mizoram Legislative Assembly in Leader of Opposition (LOP) a nei a, Cabinet minister rank nimahse a nihna tak mipuiin an la chiang lo.

Vawiin a thuthar thehdarhtute a kawmna ah LOP Lalchhandama Ralte chuan Mizoram ah amah nen LOP 4 an awm tawh tih sawiin, chungte chu kum 1993 ah Zoramthanga, 1999 ah Lalhmingthanga, 2003 ah Lal Thanhawla te an nih thu a sawi a, tumahin an term an hmang tluan lo niinna sawi.

LOP in a sawi danin, office, hlawh, lirthei, security leh hamthatna dangah LOP chu cabinet minister tlukpui a ni a, chutiang chu LOP dinhmun nimahse, Mizoram ah LOP an awm lohna a rei tawh avangin mipuiin LOP dinhmun an la chiang rih lo niin a sawi.

LOP ni turin House member hmun li (4) a then a hmun khat (1) neih a ngai a, tun Assembly kal lai ah MNF party in member 10 neiin, LOP dinhmun an chelh thei.

Thuthar thehdarhtute zawhna chhangin, LOP Lalchhandama Ralte chuan, oppisition role an play turah tha taka sawrkar khalh ngil an tum dawn niin a sawi a, an thil tih that an fak hreh dawn loh thu te, an kal dik tawk lo a nih chuan na taka sawrkar beih an tum thu te a sawi.