India khawthlang lam, Maharashtra-a lei nasa taka minin khua a chhilhah mi 22 an thi a, za chuang lak chhuah ngaiin an la awm mek.

Lei hi Irshalwadi khua, Raigad district-a Nilaini zana thleng niin chenna in tam tak a chhilh a ni.

Chhanchhuah hna thawh nghal a ni a, Ningani zanah erawh ruah a sur tam lutuk avangin thawh theih a ni lo.

Thuneitute chuan chhiatna thlenna hi tlang chhip niin a kalpawh a harsa hle niin an sawi.

Mi 105 vel chin hriat lohvin an la awm mek niin Maharashtra sorkar chuan an sawi.

India-ah hian chawlhkar hnih liam ta chhungin ruah tam tak sur avangin state tam tak an buai a. Tui a lian a, lei a min nasa hle bawk a. Weather department chuan ni rei vak lo chhung ruah a la sur dawn niin an sawi.