ZALEN March 18, 2025; Chief minister Lalduhoma'n kumtir a leibat tum zat aiin cheng vaibelchhe sang chuangin leiba an ti tlem tih a sawi a, chu chu Mizoram record tling a nih thu a sawi.

Vawiin assembly budget session-ah member te zawhna leh zawhbelhna te chhanga he thu hi sawiin finance miniser, chief minister ni bawk Lalduhoma chuan, kum 2024-25 a sawrkarin leiba a neih tur zat budget estimate (BE) a neih tur zat a chhut chu Rs. Vbc. 14034.76 ni tura chhut a nih thu a sawi.

Chief minister chuan year of consolidation an puan-ah leiba tih tlem tumin tan an la tih sawi bawkin, kumin kal mek revised estimate (RE) a sawrkar leiba neih zat chu Rs. Vbc. 13030.82 a nih thu leh chu chu kumtir a bat an tum/tinzawn aiin Rs. Vbc. 1003.94 a a tlem zawk thu a sawi.

"Ka hriat chin-ah leibat tura chhut aia tam bat a ni ziah a, ZPM sawrkar erawh chuan kumtira leibat a tum aiin, vbc sang chuangin a leiba a ti tlem a ni. Hei hi record tling," chief minister chuan a ti bawk a, hand holding hnuai a mi, CM special package dawng tura thlante pek vek an nih dawn thu a sawi bawk.