ZALEN May 31, 2025; Tukin dar 4:15 vel khan Champhai District-a Vaphai khuaah leimin-in chenna in pakhat a hnawl avangin chungkaw pakhata mi 3 an thi.

Vaphai YMA hruaitute sawi danin, leiminin in a hnawl hi Samthang lam atanga kal a Vaphai khaw tawntirh a mi a ni a, he in raltlan Lenkhuaithanga te chenna niin, tukin dar 4:15 khan an kawm chhak kawngko minin a hnawl a ni.

He in a cheng mi pathum Lenkhuaithanga (71), a fanu Lalneihṭhuami (48) leh Lalneihṭhuami fapa, Pekhmingthanga nupui Lalramniengi (34) nau thla 4 mi pai mekte chu leimin hian hnawlin an thi a, Pekhmingthanga leh an mikhual pakhatte erawh an tlanchhuak hman a ni.

An pahnih hian hliam an tuar nual a, Farkawn damdawiin panpui an ni a, vanduaina tawka boral te hi vawiin chawhnu dar 1 khan Vaphai YMA hall-ah vui an ni.

#ZalenNews