Leivung paihna tur hmun ruat bik awm lo; NHIDCL te zangnadawmna pe turin nawr
![](/storage/news/post/KD51EeHxhQh7DFVml7ONYCe4RxBFIB5tTv64Lz8E.jpg)
September 8, 2022; PWD changtu chief minister Zoramthanga chuan, Mizoram chhunga kawngpui sial hna thawh mek, Mizoram PWD in a kalpui ah leivung paihna tur hmun ruat bik a ni lo tih sawiin, kawngpui laitu NHIDCL te chu an thil tihchhiat nasa lutuk ah zangnadawmna pe turin an nawr tih house a hrilh.
Vawiin Assembly session zawhna leh chhanna hunah VL. Zaithanzama zawhna chhangin, chief minister chuan, contractor leh ram neitu te inbiak remna atangin leivung paihna tur ruahmanna siam thin a ni tih a sawi.
Chief minister chuan, tun hma atangin leivung paihna mumal tak siam a ni ngai lo tih sawi bawkin, a rem rem ah paih thin a ni tih a sawi a, "World bank kawng kan laih atangte leh ADB in loan min pek atanga hma kan lak atangte in environment tichhe zawng a hmalakna chungchangah an rawn duhtui tan a ni," a ti bawk.
Kan ram awihpang a nih avangin ruahsur karah a tha nia kan hriatte a lo tha tawk lo a, lo min leh chhia a lo tam a, luiah te pawh a lut a, chu chuan harsatna a thlen niin a sawi.
"Tunah phei chuan ngaih pawimawhna a zual tawh a, kawng laih te a lo len in a tihchhiat a lo tam a, fimkhur pawh kan fimkhur a, chuvangin theihtawpin tan kan la a, PWD ah pawh kan board te a hmunah kalin an enfiah thin," chief minister chuan a ti.
Mizoram sawrkar kut a awm nilo, NHIDCL in an thawhte chu tunlai Mizoram kawngpui laihah chuan a lian leh pui ber a nih thu leh, nawr pawh an innawr nasa tih sawiin, an thil tihchhiat nasat lutuk chu zangnadawmna pe tura an nawr thu te, an tihtheih ang chin chin chu ti tura hmalak an tum thu te a sawi.
"Leivung paihna tur remchang kan lo en ang a, chumi ti tur chuan Mizoram sawrkar hnuaia contractor an ni emaw, NHIDCL an ni emaw, theihtawpin hma kan lo la ang a, kan lo bei zel ang," ti bawkin, "Kan tih anga tilo lutuk te chu NHIDCL an nih pawhin an thuneitute hnenah pawh kan lo thlen zel ang," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024