Leng leh Maubuang ten National Panchayat lawmman dawng zawn
![](/storage/news/post/3gvCR08kkK06mQRv28Twk9dCpvaXFi027wxjpDA1.jpg)
Aizawl September 1, 2022 : LAD Minister K. Lalrinliana chuan nimin khan Central sorkara Ministry of Panchayati Raj atanga Panchayat/ Village Council ten lawmman an pek thin chuchangah Press Conference a ko a, he hunah hian National Panchayat lawmman hrang hrang te sawifiahna hun hman a ni a, Mizorama atang heng lawmman te hi khaw paruk-in an dawn tawh thu leh Leng leh Maubuang chuan kum zawna an dawn thu a sawi bawk.
LAD Minister K. Lalrinliana chuan, "Central sorkara Ministry of Panchayati Raj chuan Panchayat/Village Council hnathawk thate lawmman pek leh tiphur lehzual turin ‘National Panchayat Awards’ a lo duang chhuak a, India rampum huapin Gram Panchayat nuai 2.50 chuang lai mai an awm a, chung zinga hnathawk tha thlanchhuah chu Ministry of Panchayati Raj chuan tunlai IT lama thiamna hmang tangkaiin portal www.panchayataward.gov.in siamin Panchayat/Village Council-te chuan zawhna chhangin, an hnathawh that te an zuk hrilh a. He portal hi kumtin Panchayat/Village Council hnathawk tha te National Panchayat Award dawng tur thlan nan hman a ni," a ti.
Minister chuan National Panchayati Award dawng thei tura tang leh zual turin khawtin a chah. Mizoramah pawh Village Council 6 in ‘National Panchayat Award’ chi hrang hrang an dawn tawh thu tarlangin Minister K. Lalrinliana chuan Mizorama Village Council zawng zawngte chu an hnathawh dante chhinchhiah (record/document) tha a, a tam theih ang berin National Award dawng thei turin tun atanga tan la turin a chah.
National Panchayat Awards hnuaia Award ngaihhlut Nanaji Deshmukh Rashtriya Gaurav Gram Sabha Puraskar (NDRGGSP) chu 2021 khan Mualţhuam North VC in an dawng a. Kumin 2022 hian Leng VC in an dawng a, hei hian lawmman cheng nuai khat a keng tel a ni. Deen Dayal Upadhyay Panchayat Sashaktikaran Puraskar (DDUPSP) hnuaiah DDUPSP Thematic – Sanitation chu Maubuang VC in nikum 2021 leh kumin 2022hian an dawng a. Kumin 2022 hian Leng VC chuan DDUPSP Thematic – Civic Services-ah an dawng bawk a, hei hian Rs 5,00,000/- leh thuziak mawi a keng tel a.
Gram Panchayat Development Plan Award (GPDPA) chu nikum 2021 khan Kolasib Venglai VC-in an dawng a, Kumin 2022 hian Thingsul-Tlangnuam VC-in an dawng a, e lawmman hian pawisa fai Rs 5,00,000/- leh thuziak mawi a keng tel. Child-Friendly Gram Panchayat Award (CFGPA) chu 2021 leh kumin 2022 hian Sawleng VC chuan a dawng bawk.
Ministry of Panchayati Raj chuan kum 2022-23 atanga kum 2025-26 chhung atan ‘Revamped National Panchayat Awards’ a duang chhuak a. Hei hian National Panchayat Awards kalphung chu tidanglamin, lawmman pawh nasa takin a pung dawn a ni. Revamped National Panchayat Awards thil tumte chu : 1) Thupui 9 hmanga hmasawnna ngialnghet thlen tura hma an lak dan zirchian, PRI / Village Council-te zingah a tha zawnga inelna thianghlim an neih theih nan leh tualchhung mila hmasawnna ngialnghet thlen tura hma an lak chak theih nan leh kum 2030 ral hmaa an hlen chhuah theih nan.
Revamped National Panchayat Awards hnuaia lawmman chi hrang hrang awm te chu:
1). Deen Dayal Upadhyay Panchayat Satat Vikas Puraskar
2). Nanaji Deshmukh Sarvottam Panchayat Satat Vikar Puraskar
3). Special Category of Awards :
i) Gram Urja Swaraj Vishesh Panchayat Puraskar (GUSVPP)
ii) Carbon Neutral Vishesh Panchayat Puraskar (CNVPP)
iii) Nanaji Deshmukh Sarvottam Panchayat Satat Vikas Puraskar (NDSPSVP)
iv) Panchayat Kshamta Nirmaan Sarvottam Sansthan Puraskar
v) Best Participant (State/District Panchayat)
Heng bakah hian Gram Panchayat head (Village Council President) emaw khawtlang hruaitu, khawtlang rorelna bulthut (grassroot level) atana hnathawk tha leh entawntlak chu State sorkarin lawmman dawng turin an rawt thei dawn a. Chutiang mite chu Ministry of Panchayati Raj chuan ‘Padma Award’ dawng turin a rawt thei dawn a ni. Ministry of Panchayati Raj chuan a tul a tih hunah, eng hun pawh ni se, a chunga tarlan nilo special award dang a duang chhuak thei bawk dawn a ni.
Vawiin khan LAD Minister Pu K. Lalrinliana chuan Village Council 50 hnenah te hnenah Computer set (Printer, Xerox, Camera leh Furniture set) a hlan a, Common Service Centre sawma hman tur heng zingah hian a tel. Computer leh thildang mamawh te hi ama office chamber-ah a sem a. Heng Common Service Centre-ah te hian Passport, PAN Card, Adhaar Card, Omline tickets-Air., bus, etc., NIELIT Services, NIOS Services, Mobile recharge, Xerox, Passport size & Photo printing te awlsam zawka siam/tih theih niin khua leh a chhehvel mipuiten tangkai takin an hmang thin a ni.
Village Council 50 vawiina Computer dawng te chu : 1. Kawlhawk, 2. Sertlangpui, 3. Zohnuai, 4. Phaileng South, 5. Sesih, 6. Leisenzo, 7. Kawlkulh, 8. Vankal, 9. Thentlang, 10. Vanchengte, 11. South Chawngtui, 12. Bualpui H, 13. Bukpui, 14. Kawnpui VC II, 15. Farm veng, 16. Chandmari, 17. Kawnmawi, 18. Kanghmun, 19. Sialsir, 20. Lungkawlh, 21. Thiak, 22. Sailam, 23. Khawzawl Dinthar, 24. Sialhawk, 25. Luangpawn, 26. Sesawng VC I, 27. Lamherh, 28. Chhim veng Mamit, 29. Rajivnagar VC I, 30. Thingsulthliah VC II, 31. Keifang Leitan, 32. Cheural, 33. Sangau VC II, 34. Pamchung, 35. Hmunhmeltha, 36. Saihapui ‘K’, 37. Bukvannei, 38. New Diakkawn, 39. College Veng, 40. Electric Veng, 41. Saidan, 42. Muthi, 43. Tawipui South, 44. Lungrang South, 45. Council Vaih, 46. Vaihpi III, 47. Mauchar, 48. East Phaileng, 49. Zotlang leh 50. New Champhai
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024