Aizawl July 10, 2024 : Vawiin chhun 12:30 PM khan LMV tan Airport road hawn a ni tih PWD lam chuan an sawi.

PWD lam chuan LMV tal kal thei turin 6:30 AM atang khan lungin side drain an hnawh a,11 AM velah chuan LMV chin tan hawn hman an tum chu an tum hunah hian a hawng hman lo a, dar 12:30 velah an hawng ta chauh a ni.

Kawng chhuat bal chu CE hovin an zirchiang mek a. Rang zawka HMV tan pawh kal theih nan Gabion wall (lungfûn) hmanga siam tuna kan ruahman dan a ni. A hmunah an enchiang mek.

Gabion wall (lungfûn) hmanga kawng chhuat bal restore turin hma lak tan nghal a ni a, lung funna GI wire net hi henglaiah a quality tha a awm mai lova Silcharah chah a ni a, naktukah chuan a lo thlen hman beisei a ni. Hna thawh chhung chu Medium leh Heavy vehicles te chu Buichalli bridge lamah la kal zel tur a ni ang.