ZALEN July 5, 2025 : Archaelogical survey of Indian Director (Monument) AMV Subramanyam chuan vawiin khan Lianpui khua-a pipu sulhnu awmte a tlawhin National importance a puan a nih theihna tura hmalak ngaite a enfiah a, Director hi Lianpui khawtlangin kawtchhuahah an lo hmuak.

Lianpui khua-a Lungphun Ropui hi Archaelogical Survey of India chuan kum 2021 khan National importance-a puan a nih theihna turin Preliminary notification a lo ti chhuak tawh. Director chuan Delhi-a a let leh hunah thil tihfel ngaite a tifel ang a, hun reilo chhungin Lianpui khua a Lungphunte chu National importance ah puan a ni ang a ti.

Director hi Dr. Rajendra Dehuri, Superintendent of Archaelogist, Gauhati ; Dr.Shyam Singh, Assistant Archaelogist leh K. Lalrinchhani Assistant Archaelogist ten an tawiawm.

Final notification chhuah a nih theihna tura hma lakpui tu Art & Culture Minister C.Lalsawivunga leh Rajya Sabha MP K.Vanlalvena te chungah Lianpui Welfare Aizawl chuan lawmthu an sawi.