Lianzuala’n a award dawnah a lam thin ngai, ‘Pathian’ bawk a lam chhuak leh ta!
![](https://zalen.s3.ap-south-1.amazonaws.com/images/news/1721575319_A8ggetMX.jpg)
Kum hnih chhung tawp mai India rama ball pet thinte zinga a thiam ber nihna hauhtu, Lallianzuala Chhangte chuan All India Football Federation (AIFF) Men’s Player of the Year atana thlan leh a ni chu a lawmzia a sawi rualin ‘Pathian chu amah nghaktute leh a lama rilru dik tak putute chunga a chakzia leh rinawmzia lantirtu a ni’ tiin a sawi.
Mumbai FC leh India player pawimawh ber ni mek, Lunglei tlangval hian Zirtawpni zana AIFF-in New Delhi-a AIFF Award Night a huaihawtah mi mal chawimawina ngaihhlut hlawh ber, AIFF Best Men’s Players of the Year 2023-24 chawimawina hi a dawng a ni.
Lianzuala hian he chawimawina a dawn chungchanga lawmthu sawina hi Pathianni tlai khan a social media account-ah dah chhuakin a chawimawina dawn leh a nu leh pa nena an thlalak pawh a dah chhuak tel.
Hetah hian kum 27 tling mai tawh tur, Mumbai City FC winger chuan a sawi thin ngai bawk sawi lehin Pathian a chawimawi a, award a dawn theih nana puitute hnena lawmthu a sawi rualin a hnukhar nan, “Tun kum ka zinkawng hi a awlsam lo khawp mai a, beidawn rum rum hialna pawh ka tawk a ni, mahse he chawimawina hian Pathian chu amah nghaktute leh a lama rilru dik tak putute chunga a chakzia leh rinawmzia lantirtu a ni e,” a ti a ni.
“A kum zawna AIFF Men’s Player of the Year award ka dawng thei hi ka lawm a, chakna leh thawhrim theihn min petu Pathian hnenah ropuina zawng zawng awm rawh se,” a ti.
“Vawiin he dinhmun ka thlen theihna tur hian ka chhungten hmun pawimawh tak an chang a, min tawngtaipuina leh ka beidawn rum rum chang pawha kal zel tura min fuihtute an ni. Mumbai City FC-a ka teammate-te, coaching staff leh backroom staff leh national team-a ka unaute tel lo chuan he chawimawina hlu tak hi ka dawng dawn lo tih ka hria a, an chungah thinlung takin lawmthu ka sawi e,” a ti bawk.
Lianzuala hian Player of the Year hi nikum khan a lo dawng tawh a, vawi khat aia tam dawng thei pangana chauh a la ni.
2023-24 season khan Mizo tlangval hi a che tha hle a. Indian Super League (ISL) champion niin inelna hrang hrangah Mumbai City tan goal 11 a thun bakah a thiante thun tur vawi sarih a siamsak a, Indian zinga ISL-a goal thawk chhuak hnem ber a ni.
Hetih chhung hian India tan pawh hlawh taka thawkin player pawimawh ber a ni ngar ngar a, FIFA World Cup Qualifiers-ah Doha-a Qatar an hmachhawn tumin goal a thun nghe nghe.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024