Aizawl : Mizoram Peoples Conference Thalai chuan, July ni 10, 2020 -a Chief Minister Zoram-thanga'n central sorkar hnena Mizoram khawchhak tlangdung Lirnghingin a sawi thin vanga tanpui tura ngenna a thlen chu awm an tih rualin, amah ngei hi a hmunah kal a, mang -angte thlamuan turin an beisei tih thuchhuah siamin an tarlang.

MPC chuan, June 21 atanga July 9, 2020 thlengin Lirnghingin vawi 50 chuang Champhai District a sawi tawh a, Lirnghing hian chenna In engemawzat a ti chhe tawh a, Mipui an tihthlabar avangin In-a riak ngam lo, pawna an riah hial thu te Central Mines Minister Pralhad Joshi hnenah thahnemngai taka a thlen theih laia, Chief Minister berin a khua leh tui te Lirnghing avanga harsatna leh manganna an tawh hrechiang hle si a, thlamuan tur leh hnem tura vawikhat chauh pawh a la che chhuak lo chu mak an tih thu an tarlang.

MPC Thalaite chuan, "State dangten khuarel chhiatna an tawhin ,an Chief Minister te an vir vat thin laia CM berin chet zai a rel ve thinlo hi chu MPC Thalaite chuan a rualawh thlak kan ti hle a ni. Tunhnuah chuan Mizoramin eng harsatna pawh kan tawhin, Pa ber mawhphurhna hriaa, ke pen chhuak tawh thin turin Chief Minister zahawm tak Pu. Zoramthanga hi kan chah a ni, " an ti.