June 14, 2023; Aizawl bikah traffic jam tih ziaawmna turin kum 2017 atangin lirthei intlanchhawk kalpui a ni a, hetihlai hian kawngpui kan neihte phu lohin lirthei erawh a pung chak niin a lang.

VAHAN Dashboard a tarlan a nih danin, kumin chhung a lirthei awm/pun belh tawh zat (June 14 thleng) chu 12,045 niin, chung zinga 8,578 te chu MZ 01 (Aizawl) registration a ni.

January ah 2,341, February ah 2,243, March ah 2,257, April ah 2,024, May ah 2,188 leh June thla kal mek ah 922 a ni a, thla tin lirthei sang 2 chuang pun belh ziah ang a ni.

Hetihlai hian vawiin thleng a Mizoram a lirthei awm zat chhinchhiah chu 3,51,481 a tling a, chung zinga 2,24,986 chu two wheeler a ni.