ZALEN May 30, 2025 : Tawipui N – II khaw daia tunhnaia Lirthei chetsual thinnaah Vawiin tlai dar 5:30 vel khan Pick-Up, Lawngtlai atanga Lunglei lampan chu kawng thlanglamah a tlan liama, vanneih thlak takin Lirtheia chuangte pahnihte chuan hliam an nei lo.

Zonet JB-in a tarlan danin Tawipui N – II khaw daia Lirthei chesuala chuang pahnihte hi Marpara South Khua Kum 23 mi ve ve, Milan Devon leh Anil Vikash te an ni a; Motor khaltu nia in chhal Milan Devona chuan Zorinpui atanga Aizawl lam pan tur an nih thu leh an lirthei brake a chian loh avanga chesual an nih thu an sawi, An lirthei brake chu a chiang lo sa nia sawiin Tawipui N II an pelh hnuah, an chetsualna hmun kawng kawi thlen hma in, nasa takin brake rap mahse awmzia a awm lo a; kawng kawiah kual zo lo in kawngthlangah an tlan liam ta niin a sawi.

Milana hian Kawngpui atanga Ft 50 velah Thingkungin an lirthei chu alo dang nia sawiin kawngpuiah an vak chhuaka, Na leh hliam engmah an nei lo.

Lirthei chetsualna hmun hi MNF sorkar laia Home Minister hlui Lalchamliana zui tute  chetsualna hmun a ni.