September 6, 2023; A bikin Aizawl ah two wheeler rukbo a hluar nia an hriat vangin mi thahnemngai ten chumi veng a police tha tichak zual turin hma an la mek nia hriat a ni.

ZALEN thudawn danin, hetiang a two wheeler rukbo veng a, police tha tichak tur a penchhuah tum, mi thahnemngaite hian whatasapp group siamin, a duh a piang chumi group a awm tur chuan an sawm.

Ruahmanna an siam dan tlangpui ah chuan, a remchan ang zelin zan lamah duty neih a, lirthei ruk tum leh ru an man te chu thuneitu police te hnen a hlan zel an tum a, mahni hmun theuh ah chutiang ang rukrukna chu lo mitmei turin an in ngen a ni.

Hetiang ruahmanna siam a hmalak an tumna hi traffic police, YMA, police leh NGO dangte pawhin lo hrethiam turin an ngen.