September 26, 2023; Tun Pathianni (24.9.23) zing dar 2 vel a Sairang atanga Sumo (maxi cab) ruchhuaktu hnamdang pahnih te chu man niin, Sairang PS ah thu zawhfiah mek an ni.

ZALEN thudawn danin, Sumo neitu hi Sairang mi niin, Hailakandi district a cheng ve ve hnamdang pahnihte'n Pathianni zing dar 2 vel khan an ru chhuak a ni.

He thil thleng hi Sairang police ten an hriat ve leh hmala nghalin, police station hrang hrangah information an pe chhuak nghal a, state pawn lam a tlanchhuahpui an tum chu Bairabi police ten, Bairabi check gate ah an lo man a ni.

Pawikhawihtute leh Sumo hi Sairang PS thlenpui tawh an ni a, lirthei hi nimin khan a neitute hnenah pek leh nghal niin, Sumo rutu te erawh nimin a court a hruai an nih hnuin, Sairang PS ah thu zawhfiah mek an ni.